Barani ulaya kila kitu hutawaliwa na tarakimu ambazo huwakilisha takwimu ambazo huhifadhiwa ili kuweka kumbukumbu ya jinsi ya kuendesha masuala mbalimbali kuanzia siasa , uchumi , biashara binafsi za watu na hata kwenye ulimwengu wa michezo .
Kwenye michezo takwimu ambazo zimezoeleka ni zile za kuonyesha jinsi wachezaji wanavyofanya kazi uwanja kwa maana ya asilia ya juhudi na mahali ambako kocha na wasaidizi wake wa masuala ya ufundi wanaweza kutambua ubora na udhaifu .
Hivi karibui takwimu zimeitaja klabu ya Manchester City kuwa timu ambayo ina wastani wa umri mkubwa kuliko klabu zote zinazoshiriki ligi za soka nchini England .

Manchester City imetajwa kuwa klabu yenye wachezaji wenye umri mkubwa kuliko wote nchini England.

Takwimu hizi zimeonyesha kuwa Manchester City ina wastani wa umri wa miaka 28.8 kwa wachezaji wake umri ambao ni mkubwa kuliko klabu zote kubwa za ligi tano bora barani ulaya kwa maana ya Epl , Primera Liga , Serie A , Bundesliga na Ligue 1.
Kwa jumla Man City imeshika nafasi ya 7 katika utafiti uliofanyw akwa kutazama wastani wa umri wa wachezaji wa klabu zipatazo 500 barani ulaya kuanzia ligi kuu mpaka madaraja ya chini.
Manchester City ina wachezaji 12 ambao wana umri kuanzia miaka 29  kwenda mbele wakiwemo Kina Martin Demichelis , Frank Lampard ,Bacary Sagna , Yaya Toure , Gael Clichy , Jesus Navas na wengine .

Wachezaji kama Nemanja Vidic wanaifanya Ligi ya Serie A iwe ligi inayoongoza kwa kuwa na wastani wa umri mkubwa kwa wachezaji.

Takwimu hizi zinaonyesha kuwa Manchester City kwa timu za England ndio timu yenye wachezaji wenye umri mkubwa kuliko zote huku ikifuatiwa na Cyrstal Palace , Stoke City,West Bromwich Albion na QPR .
Kwa upande wa timu ambazo zina wastani wa umri mdogo ni Newcastle United , Manchester United , Southampton , Arsenal na Liverpool .

Ligi ya Uholanzi inaongoza kwa kuwa na wachezaji wenye wastani mdogo kwenye umri .

Ligi ya Italia Serie A inaonyesha kuwa ndio ligi yenye wastani wa umri mkubwa kwa wachezaji wake huku ligi ya Uholanzi ikionekana kuwa ligi yenye wastani wa umri mdogo kwa wachezaji wa timu zake .

Klabu ya Real Madrid ya nchini Hispania bila ubishi wowote ndio klabu bora kwa sasa ulimwenguni kote , hii ni kutokana na aina ya matokeo ambayo wanayapata kwneye mashindano mbalimbali ambayo wanashiriki kuanzia ligi ya Hispania , Kombe la Mfalme , Ligi ya mabingwa barani ulaya na michuano ya kombe la dunia inayoendelea huko nchini Morocco ambako mabingwa hao wa Ulaya wameingia hatua ya Fainali .
Jumla yote Madrid imeshinda michezo 21 katika mashindano yote rekodi ambayo wanazidi kuivunja huku kukiwa hakuna dalili zozote za timu hii kupata matokeo tofauti na ushindi  huku wakiwa wamevunja rekodi ya kushinda mechi 18 mfululizo iliyowahi kuwekwa na Barcelona iliyokuwa chini ya Mholanzi Frank Rijkaard katika msimu wa mwaka 2005/06.
Kwa kasi hii rekodi pekee ya kushinda mechi mfululizo iliyobaki kuvunjwa itakuwa ile iliyowahi kuwekwa na Ajax Amsterdam kwenye msimu wa mwaka 1971/72 ambapo timu hiyo ilishinda michezo 26 .

Wachezaji wa Real Madrid wakiwa mazoezini.

Ubora huu unaonekana kwenye matokeo unatokana na aina ya wachezaji ambao Real Madrid inao wakiongozwa na mchezaji bora kwa sasa Cristiano Ronaldo .
Takwimu kadhaa zinaonyesha kuwa Real Madrid wamekuwa bora kwenye kila idara na ni vigumu sana kuwazuia .
Katika michezo 21 ambayo timu hii imecheza hadi kufikia sasa , imefanikiwa kufunga jumla ya mabao 79 , ikiwa imeruhusu kufungwa mabao 10 pekee .
Katika mabao hayo 79 ambayo Madrid imefunga jumla ya mabao 19 yamefungwa kwa kutumia mguu wa kushoto , mabao mengine 42 yakiwa yamefungwa kwa kutumia miguu ya kulia na mengine 15 yakiwa yamefungwa kwa kicha .
Zaidi ya hapo , mabao 9 yamefungwa nje ya eneo la hatari au kisanduku cha penalty (penalty box) na mabao 70 yakiwa yamefungwa ndani ya eneo hilo  na mabao 8 yamefungwa kwa njia ya adhabu ya mkwaju wa penati .
Katika kipindi hiki chote wachezaji kadhaa wamechangia katika mafanikio ambayo Real imeyapata kwenye michezo yake 21 ambayo imeshinda mfululizo kuanzia kwa Cristiano Ronaldo , Gareth Bale , Karim Benzema , James Rodriguez , Toni Kroos, Isco ,Sergio Ramos , Pepe ,na kipa Iker Cassillas ambaye hatimaye amerudisha hadhi yake iliyowahi kutishia kupotea chini ya kocha Jose Mourinho .
Nyuma ya mafanikio yote haya ni kocha Mtaliano Carlo Ancelotti ambaye amefanikiwa kuwafanya wachezaji wote wa Real Madrid kuwa kitu kimoja na kupambana mwanzo mpaka mwisho kuhakikisha wanatimiza lengo ambalo ni kujaribu kuibuka na ushindi kwenye kila dakika 90 wanazokuwa uwanjani dhidi ya wapinzani wa aina tofauti .

Kocha Mtaliano Carlo Ancelotti amefanya kazi kubwa ya kuifanya Real Madrid kuwa timu bora barani Ulaya .

Tarehe	Mpinzani(timu)	Mashindano	Magoli(real)	Magoli(wapinzani)	Umiliki Mpira	Ufasaha wa pasi	Pasi	Mashuti
16/09/14	Basle	Champions League	5	1	54.35	90.36	560	17
20/09/14	Deportivo la Coruna	La Liga	8	2	59.83	91.75	679	15
23/09/14	Elche	La Liga	5	1	64.74	90.91	660	20
27/09/14	Villarreal	La Liga	2	0	49.72	85.66	502	7
01/10/14	Ludogorets	Champions League	2	1	60.93	87.77	548	15
05/10/14	Athletic Bilbao	La Liga	5	0	60.12	86.76	589	19
18/10/14	Levante	La Liga	5	0	61.3	90.72	636	17
22/10/14	Liverpool	Champions League	3	0	54.17	88.38	680	12
25/10/14	Barcelona	La Liga	3	1	42.19	85.38	431	11
29/10/14	Cornella	Copa Del Rey	4	1	73.22	89.58	758	11
01/11/14	Granada	La Liga	4	0	66.77	88.06	628	15
04/11/14	Liverpool	Champions League	1	0	60.13	90.99	710	15
08/11/14	Rayo Vallecano	La Liga	5	1	43.83	81.38	435	15
22/11/14	Eibar	La Liga	4	0	62.3	85.51	559	17
26/11/14	Basle	Champions League	1	0	53.32	84.35	543	6
29/11/14	Malaga	La Liga	2	1	57.86	88.4	474	18
02/12/14	Cornella	Copa Del Rey	5	0	63.08	89.71	680	10
06/12/14	Celta Vigo	La Liga	3	0	48.78	81.75	389	17
09/12/14	Ludogorets	Champions League	4	0	61.77	91	600	19
12/12/14	Almeria	La Liga	4	1	60.5	79.91	458	12
16/12/14	Cruz Azul	FIFA Club World Cup	4	0	58.28	89.16	609

Utaelewa tu tupo karne ipi na kizazi cha Jina gani.

Je unadhani hizi picha zilikusudiwa au zilipigwa bahati mbaya.

>>>BOFYA HAPA CHINI KWA PICHA ZAIDI<<<

Rais Jakaya Mrisho Kikwete.

Waziri Mizengo Pinda amekatiza kwa muda, ziara yake katika Falme za Kiarabu kwa maelezo kwamba ameitwa nyumbani na Rais Jakaya Kikwete kwa shughuli maalumu.
Waziri Mkuu ambaye yuko katika ziara ya kutembelea nchi za Falme za Kiarabu, ikiwa ni sehemu ya kudumisha ushirikiano na kutafuta wawekezaji, amekatisha ziara hiyo siku mbili baada ya Mwanasheria Mkuu wa Serikali, Jaji Frederick Werema kujiuzulu kutokana na kashfa ya Escrow.

Waziri mkuu Mizengo Pinda.

Werema alijiuzulu juzi na Rais Kikwete akaridhia hatua hiyo, huku umma ukisubiri hatua zaidi dhidi ya mawaziri na watendaji wa Serikali waliotajwa katika sakata hilo.Katika barua yake ya kujiuzulu, Jaji Werema alisema ushauri wake wa kisheria kuhusu Akaunti ya Tegeta Escrow haukueleweka na hivyo kuchafua hali ya hewa.
Kwa mujibu wa ratiba ya ziara hiyo, leo Waziri Mkuu alitarajiwa kufanya mazungumzo na washiriki wa maonyesho ya B2B pamoja na kutembelea maeneo mengine lakini ziara hiyo imefutwa na badala yake anaondoka asubuhi kurudi nyumbani.Baadaye leo Pinda alitakiwa kwenda Doha, Qatar kwa ziara kama hiyo hadi Desemba 23.
Baada ya kukamilisha jukumu aliloitiwa, Waziri Mkuu anatarajiwa kurejea Falme za Kiarabu Jumamosi kuendelea na ziara yake.

(Chanzo: BBC)

Waziri wa Ardhi, Nyumba na Maendeleo ya Makazi, Prof. Anna Kajumulo Tibaijuka, akiongea na wanahabari hivi punde ndani ya Hyatt Regency Hotel Dar es Salaam amesema haoni sababu ya kujiuzulu kutokana na sakata la akaunti ya Escrow.

Aongeza kuwa watu wanaona suala la kujiuzulu kama fasheni ila yeye hayupo katika fasheni hiyo.

Mwimbaji maarufu wa nyimbo za Inili, Flora Mbasha, 

amekimbilia mahakama ya hakimu mkazi kisutu, akiomba 

kuvunja ndoa kati yake na mumewe, Emmanuel Mbasha. 

Flora anadai sababu za kuomba kuvunja ndoa hiyo apewe 

talaka ni kutokana na tabia ya mumewe kumpiga, 

kumnyanyasa na kushindwa kumpatia matibabu.








Una lipi la kuwaambia wanandoa hawa?

Chama cha demokrasia na  maendeleo-Chadema- kimeitaka serikali kuwachukulia hatua ikiwemo kuwafikisha mahakamani viongozi waliohusika katika wizi wa fedha katika akaunti ya Tegeta -Escrow- licha ya wengine kuandika barua kujiuzulu wadhifa zao.

Akizungumza na waandishi wa habari, naibu katibu mkuu wa Chadema, Mhe.John Mnyika amemtaka rais Jakaya Kikwete kuyafanyia kazi maadhimio ya bunge ya kuwaondoa na kuwafikisha katika vyombo vya sheria viongozi hao, hata kama watajiuzulu nyazifa zao.

 

Akielezea uchaguzi wa serikali za mitaa, naibu katibu mkuu wa chama hicho Zanzibar Bwana Salum Mwalimu amemtaka waziri wa tamisemi Mhe. Hawa Ghasia kutangaza matokea chaguzi za serikali za mitaa kwa nchi nzima badala ya kuwahachia viongozi wa vyama vya siasa kuendelea kuwadanganya wananchi kuwa vyama vyao vimepata ushindi wa kishindo.

 

Kwa upande wake baadhi ya wananchi wameitaka serikali kufuatilia ajira za wageni katika baadhi ya benki nchni kutokana na ongezeko la wizi ambao yanaambatana na baadhi ya watendaji kujiuzulu nyadhifa zao baada ya muda.

Rais wa Serikali ya wanafunzi chuo kikuu cha UDOM Masatu 

Kyabwene amekiri kuwepo kwa idadi kubwa ya wanafunzi wa 

vyuo vya elimu ya juu Dodoma kujihusisha na biashara ya 

ukahaba kutokana na kukosa mikopo. Akizungumza na paparazi 

alisema

“Kuna baadhi ya wanafunzi chuoni kwangu wana maisha magumu 

sana kutokana na kukosa mkopo,wakati mwingine wananifuata 

mimi na kunielezea shida zao ili niwasaidie,wengine ni yatima 

hawana baba wala mama wa kuwalipia ada,siyo siri maisha ya 

wanafunzi hawa ni magumu sana” 

Tatizo la kucheleweshwa kwa mikopo limekuwa sugu sana katika 

vyuo vikuu hapa tanzania ikiwemo chuo cha mzumbe morogoro 

ambapo wanafunzi wa mwaka wa pili hawajui hatma yao ya 

kupata mkopo tangu wapate matokeo yao ya mitihani.

VIDEO IPO HAPA CLICK KUIANGALIA HAPO CHINI

Msanii Diamond Platnumz ameondoka Tanzania leo mchana na kuelekea Uganda kwaajili ya Party yab Zari The Boss Lady. #ZariAllWhiteCirocParty inayofanyika Kampala. Hizi ni picha za Diamond alivyowasili kwenye uwanja wa ndege na kupokelewa na Zari.

Zari baada ya kumpokea Diamond

Diamond Platnumz ametua Kampala jijini Uganda tayari kwaajili ya kutumbuiza Alhamis hii kwenye show ya Zari All White Ciroc Party‬ jijini humo. Diamond alipokelewa kwenye uwanja wa ndege na mpenzi wake Zari Ttale aka The Bosslady.


Wawili hao wamekutana kwa mara nyingine baada ya hivi karibuni kuwa pamoja kwenye tuzo za Channel O.